શરૂઆતી ચોમાસા નો ગાળો, જાણે બે મોંઢા વાળો!

શરૂઆતી ચોમાસા નો ગાળો, જાણે બે મોંઢા વાળો,

ક્યારેક બાફ ઓકતો ઉનાળો, ક્યારેક ઠરાવતો શિયાળો !

- જય વોરા !

Collection of Free Authentic URLs for Gujarati Dramas and Movies

Making this list on March 22, 2020! Happy Quarantine Day!

Aa Family Fantastic chhe - https://youtu.be/BLMv_r8HFVA 

Sharato Lagoo - https://youtu.be/h_rPmaRD-jI

Dhaad - https://www.youtube.com/watch?v=03rNw4RX8cg

Undhinapur - https://www.youtube.com/watch?v=CfNQ94AqjcE

Pahelo Divas - https://www.youtube.com/watch?v=rlgNNWyQesc

Shubh Aarambh - https://youtu.be/BX6v1-B7kfg

Chal Man Jivta Jaie - https://youtu.be/3fyphrZ-yUc

Chhel Chhabilo Gujarati - https://www.youtube.com/watch?v=jN5ZehXq5WQ

Bey Yaar - https://youtu.be/xi3W3vlN1Us

Baa e mari boundary - https://youtu.be/Bmv5g26CWgY

Masala Mami - https://youtu.be/NihopDV0fHk

Wrong Side Rahu - https://youtu.be/k3tHYllHD7g

Baa Retire thay chhe - https://youtu.be/nrAMC6pAn0Y

Chup Raho Khush Raho - https://youtu.be/8TKi-vuqQKE

Chhagan Magan tara Chhapre lagan - https://youtu.be/Fv2myAsbKWU

Pappu Paas thai gayo - https://youtu.be/RCthUgE0SM4

Parnelaa chho to himmat rakhjo - https://youtu.be/3dZw0nQKtzc

Back Bencher - https://youtu.be/9yE1_NQKtyo

Gujjubhai Most wanted -https://www.youtube.com/watch?v=3kKMgGzv04Y

રોજનીશી માં અનુભવો !

દસ રૂપિયા ની રોજનીશી માં અનુભવો લખવાની સામાન્ય આદત હતી,

ખ્યાલ નહતો કે એની કિંમત આજે આંકી શકાય એમ નથી !

- જય વોરા

જિંદગી ટ્રેડમિલ જેવી છે !

જિંદગી ટ્રેડમિલ જેવી છે ! તમે જ્યાં ઉભા છો ત્યાં ઉભા રહેવા માટે પણ સતત દોડતા રહેવું પડે છે!

- જય વોરા

#Life is like a trademill, to STAY where you are, you have to keep running constantly !

If you ran behind success via hardwork, success will keep pushing you towards hardwork! #motivation #keeppushing #leadership 

પતંગ શીખવાડે છે !

પતંગ શીખવાડે છે કે ઉડવું, ખુબ ઊંચે ઉડવું, પવનના ધ્વનિ સાથે તાલ મિલાવીને ઉડવું !
અન્ય પતંગો સાથે ઉડવું, આનંદ લેતા લેતા જમીની હકીકત થી જોડાઈને ઉડવું !
પણ, કાબુ માં રહી શકો એમ ઉડવું; હળવા બની ને ઉડવું ;
કારણ, નીચે પટકાઇએ તો જીલનારને જીલવાનો ભાર ન લાગે, અને ઘોંઘાટ ના થાય !
- જય વોરા !


પતંગ નો કિન્ના જોડે સંબંધ પાસપોર્ટ જેવો !
- જય વોરા !

"સંબંધ એટલે રિલેશન" ==> રિ + લેશન !
ફરી ફરી કરવાનું લેશન, લાગણી ઓને વાગોળી વાગોળી ને કરવાનું હોમવર્ક !
 
"પાસપોર્ટ એટલે પા - સપોર્ટ " ==> જેના થી તો માત્ર વિદેશ 'સફર' થઇ શકે,
જયારે ટિમ / પરિવાર ના આખા સપોર્ટ થી, દેશ વિદેશ 'સફળ' થઇ શકે !

- જય વોરા !

 

શ્યામ ને વ્હાલા થઇ ગયા ઘનશ્યામ !

પરાગ પર ગુંજતા ભમરાઓ નો ધ્વનિ વહેતો મૂકી,

નાના દોહિત્રો નો કિલ્લોલ માણી તમામ;

માણીને,

શ્યામ ને વ્હાલા થઇ ગયા ઘનશ્યામ !

જયકુમારી મિલન અર્થે ધ્રુવ તારો બનવા,

વાહીન પ્રિય સોમવાર વિભૂતિ મય થઇ ગયો હે રામ;

મળવાને,

શ્યામ ને વ્હાલા થઇ ગયા ઘનશ્યામ !

સુધા સમું શુદ્ધ જીવન, હેમ જેવું જેનું મન,

સ્વભાવે અતુલ્ય, કર્મો ની ખુશ્બુ જાણે ચંદન;

ફેલાવીને,

શ્યામ ને વ્હાલા થઇ ગયા ઘનશ્યામ !

માણસ ને માણસ થવાનો નથી હજી કોઈ અણસાર,

મૃત્યુના દુ:ખ સભર અપૂર્વ અવસરે સ્વજનો ના આંખ આડા કાન;

કળીને,

શ્યામ ને વ્હાલા થઇ ગયા ઘનશ્યામ !

નૂતન વિચારો નો શૂન્યાવકાશ, થયા કાનના કૂવા ખાલી તમામ,

હેમાલી તણું ઠંડુ તન, શ્વાસના થાક્યા વણઝારાની છૂટે કમાન;

ખુમારીથી,

શ્યામ ને વ્હાલા થઇ ગયા ઘનશ્યામ !

આંખમાં અમને દઇ નિરાંતનું સપનું, ઉકલતા સૌ આંટીઘૂંટી અવધિ માં,

અસ્થિ બની ગઈ હસ્તી હસતી, મોતી અવતરશે જલધિમાં;

પૂજાઇને,

શ્યામ ને વ્હાલા થઇ ગયા ઘનશ્યામ !

 

જલધિ સમ જાણે વ્હાલનો ભંડાર,

જીંદગી ના રંગમંચ પર થયો જય-કાર;

કરાવીને,

શ્યામ ને વ્હાલા થઇ ગયા ઘનશ્યામ!

- જય વોરા !

એકાંત, ફરજ અને સેલ્ફ - ઇંટ્રોસ્પેકશન !

આખા દિવસમાં એવો કયો સમય હોય છે જ્યારે તમે તમારી સાથે હોવ છો? બહુ ઓછો !
તમે યાદ કરો, છેલ્લે ક્યારે તમે તમારી સાથે હતા? ક્યારે તમે જ તમારી જાતને સવાલો કર્યા? તમારા સંવાદ વખતે તમારી જાતે તમને શું જવાબ આપ્યા?

આમ તો અલગ ટાઇમઝોન સારો પડે છે, એકાંત ઘણું મળી રહે !મને લાગે કે સાલું ૨૪ થી વધુ કલ્લાકો કોઈ નસીબદાર ને જ મળે, આપણા નસીબ ઉજળા! એવું લાગે કે હમણાં જ અડધો દિવસ પત્યો (ઇન્ડિયા નો), અને સુઈ ઉઠો એટલે હજી દિવસ ની શરૂઆત ! થઇ ગયા ને ૨૪+ કલ્લાક ! હાલ હું થોડા દિવસ USA છું એટલે ટાઈમ બૌ હોવાની શેખી મારી શકું ! આમેય સમય સાથે તો કાયમ ની બબાલ છે, ક્યાં પંગો લઈએ!

લખવું હતું 'સમય' પર,
ના લખી શક્યો સમયસર!
- જય વોરા

બોડી ભલે ને ભાઈ હાલ USA ના દિન-રાત ને સન્માન આપી ને પડ્યું રહે, પણ આત્મા તો અખંડ દિવા ની જેમ એકટીવ રહેતી હોય છે. અધૂરા માં પૂરો આ મોબાઈલ નો હયાત હોવાનો રણકતો નાદ, કાંઈને કાંઈ ચાલુ જ હોય ! બંધ એ કરાય નઈ, સવારે કોણ ઉઠાડે, ડોનાલ્ડ ભાઈ ને તો કહેવાય નઈ! આ વળી સરસ રવિવાર મળ્યો એટલે લખવા માટે Jump મારીને ઝંપલાવ્યું ! આ વખતે ઈચ્છા થઇ, અહીંયા ના કલ્ચર માં થી શીખવા જેવા 'ફરજ' ના ગુણ ની વિષે !

ઈચ્છાઓ ના ઘોંઘાટ ની વચ્ચે જેને ફરજ નો 'ધ્વનિ' સમજાય,
પછી તો જોને સર થતા માર્ગો, સરળ શું, અટપટા શું?
- જય વોરા

મન આપણું સખત ચંચળ હોય, એટલે આસપાસ ના આકર્ષક પરિબળો અજબ ગજબ ની ઈચ્છાઓ ને ઉજાગર કરે. આપણે ધ્યાન કેન્દ્રિત કરવું રહ્યું ફરજ પર. દરેક કાર્ય ને અંગત રીતે લઈને દિવસ ના બનાવેલા ટાર્ગેટ ને સર કરવા જબરો જોશ દરેક વ્યક્તિ માં જોવા મળે ! English માં એક સરસ વ્યાખ્યા છે, 'Doing your best even when no one else is watching, is a real integrity'! Integrity means અખંડિતતા. You have to stand still ! જીવન માં ભૂલવું નહિ કે તમારો સૌથી મોટો નિરીક્ષક તમે ખુદ છો!  Integrity નું ઇમ્પોર્ટન્સ દરેક કાર્ય માં, દરેક તબક્કે, દરેક સંબંધો માં રહેલું છે ; ભલે ને અંગત શોખ ને લગતું કાર્ય હોય કે તમારી કાર્યદક્ષતા પુરવાર કરવા માટે નું ! સમય ના દસ માં ભાગ ને પણ ખુબ સિરિયસલી લેતા થઈશું તો એ દરેક ક્ષણ સાચી રીતે જીવી કહેવાશે અને દિલચસ્પી - ધગશ થી કરેલા કર્મો ઘણું જ્ઞાન આપતા રહે છે, જેથી આવનાર અજાણ્યા સંકટ માટે સતત ઉર્જા મળે છે, વિવિધ પ્રકાર ની વિચાર શક્તિ મળે છે. No work is a waste and the knowledge you get from doing trials and errors, is not in any book!

ખુબ જ ખંત થી કરેલા કોઈ કાર્ય નિષ્ફળ નથી જતા, અને જાય તો પણ તમને એ આવનારી સફળતા માટે ખાતર આપે છે. ફોકસ ની સાથે, ઓપન માઈન્ડસેટ રાખી ને ફરજ બજાવવા થી ચારેકોર થી નવા વિચારો ને સ્વીકારવાની વૃત્તિ જન્મે છે; જેથી કરીને જીવન માં આવતા કપરા માર્ગો ને સરળતા થી પસાર કરી શકાય છે ! 

The biggest challenge is to stay focused.

It's to have the discipline when there are so many competing things 

- Alexa Hirschfeld

ed and be mentally tough. That's what I've really learned: every d
Read more at: https://www.brainyquote.com/quotes/chris_gronkowski_857361?src=t_stay_focused

You have to stay focused and be mentally tough. That's what I've really learned: every day is a grind, and you have to go hard. Chris Gronkowski
Read more at: https://www.brainyquote.com/quotes/chris_gronkowski_857361?src=t_stay_focused

You have to stay focused and be mentally tough. That's what I've really learned: every day is a grind, and you have to go hard. Chris Gronkowski
Read more at: https://www.brainyquote.com/quotes/chris_gronkowski_857361?src=t_stay_focused

You have to stay focused and be mentally tough. That's what I've really learned: every day is a grind, and you have to go hard. Chris Gronkowski
Read more at: https://www.brainyquote.com/quotes/chris_gronkowski_857361?src=t_stay_focused

ઠોકરો ખાઇને પણ ન સમજે તો તારૂં નસીબ,
ફરજ નીભાવશે જ પથ્થર તું જાય જો કરીબ!
- જય વોરા

ઘણી વાર એવું બનતું હોય છે કે, ભટકી ગયા હોઈએ ત્યારે આપણ ને કોઈ મિત્ર, સ્વજન યોગ્ય માર્ગ બતાવે કે સૂચન આપે. એમાં એ વ્યક્તિ એની ફરજ નિભાવે છે, પણ જો ખુદ આપણે સેલ્ફ - ઇંટ્રોસ્પેકશન ના કરીએ અને વિચાર કે કાર્ય માં સુધાર ના લાવીએ તો ફરી ઠોકર ખાવાની આવે જ છે. ઠરીઠામ થયેલો પથ્થર પણ એની ફરજ બજાવે છે કે, ફરી વગર વિચાર્યું કદમ ઉઠાવશું કે તરત ઠોકર વાગવાની છે !

હકનું બીજ ફરજ છે, આપણે બધા આપણી ફરજ અદા કરીએ તો હક તો આપણી પાસે જ છે. જો ફરજ છોડી હકને બાઝવા જઈશું તો તે ઝાંઝવાનાં નીર જેવું છે. જેમ તેની પાછળ જઈએ તેમ તે નાસે છે. એ જ વસ્તુ કૃષ્ણે તેની દિવ્ય વાણીમાં ગાઈ બતાવી : 'કર્મનો જ તને અધિકાર છે, ફળનો કદી ન હજો.' કર્મ તે ધર્મ છે, ફળ તે હક છે. દરેક જણ પોતપોતાના હકને વિશે આગ્રહ રાખવાને બદલે પોતપોતાને માથે આવતી ફરજ બજાવે તો માણસજાતમાં તરત જ સુવ્યવસ્થાનો અમલ શરૂ થાય. યોગ્ય રીતે અદા કરેલી ફરજના પાલનમાંથી જે અધિકારો અથવા હક સીધી રીતે પ્રગટ થતા નથી તે મેળવવા જેવાયે નથી.

આપ હંમેશ પોતાની ફરજ પ્રત્યે સભાન રહો, સતત સુધાર લાવવા વિષે પરિશ્રીત રહો, ખુદ ને મળી ને નવા ખુદ ને શોધવા કાર્યશીલ રહો, હંમેશા હસતા રહો, નિરોગી રહો અને જ્ઞાનગંગા વહાવતા રહો!

આભાર.
(સાલું આ ગુજરાતી ટાઈપ કરવામાં બહૂ તકલીફ પડે છે, ....સાચે !)

ભારતીય ભાષાઓની વર્ણમાળામાં વિજ્ઞાન

આજકાલના વિદ્યાર્થીઓને કદાચ ખબર પણ નથી કે ભારતીય ભાષાઓની વર્ણમાળામાં વિજ્ઞાન ભરેલું છે. વર્ણમાળાના પ્રત્યેક અક્ષર તર્કશુદ્ધ છે અને ચોક્કસ ગણત્રી સાથે ક્રમશઃ મુકવામાં આવ્યાં છે. અન્ય વિદેશી ભાષાની વર્ણમાળામાં આવો વિજ્ઞાનિક દ્રષ્ટિકોણ જડતો નથી. ઉ.હ. જુઓ:
ક ખ ગ ઘ ઙ - આ પાંચના સમુહને કંઠવ્ય કહેવાય છે કારણકે આનો ઉચ્ચાર કરતી વખતે કંઠમાંથી ધ્વનિ નીકળે છે. ઉચ્ચાર કરી જુઓ.

ચ છ જ ઝ ઞ - આ પાંચેય તાલવ્ય કહેવાય છે કારણકે આનો ઉચ્ચાર કરતી વખતે જીભ તાળવે લાગશે. ઉચ્ચાર કરી જુઓ.

ટ ઠ ડ ઢ ણ - આ પાંચેય મૂર્ધન્ય કહેવાય છે કારણકે આનો ઉચ્ચાર કરતી વખતે જીભ મૂર્ધાને લાગશે. ઉચ્ચાર કરી જુઓ.

ત થ દ ધ ન - આ પાંચના સમુહને દંતવ્ય કહેવાય છે કારણકે આનો ઉચ્ચાર કરતી વખતે જીભ દાંતને અડે છે. પ્રયત્ન કરી જુઓ.

પ ફ બ ભ મ - આ પાંચના સમુહને ઔષ્ઠવ્ય કહેવાય છે કારણકે આનો ઉચ્ચાર કરવા માટે બન્ને હોઠનું મિલન થાય છે. પ્રયત્ન કરી જુઓ.

આટલો વૈજ્ઞાનિક એપ્રોચ છે દુનિયાની અન્ય કોઈપણ ભાષામાં nathi

- Salute to Gujarati

source : WhatsApp

પપ્પા તો છે જ ને ...!!

હતા મારા જન્મ પર
બધા ઉત્સાહી ને..,
એક ખુણામાં ચુપચાપ
ઉભા હતા એ..,
અદબ વાળીને,
બધાએ માત્ર વહાલ કર્યું
ને જે દવાખાનાના બીલ
બાકી હતા તેમાં...,
*પપ્પા તો છે જ ને...*


પેટ ઘસીને ભાંખોડીયા
ભરતા થયો હું,
અથડાયો ઘડાયો,
કેટકેટલી વાર હું ઘરમાં,
પા પા પગલી ભરતાં
ડર લાગે, પણ...
પડીશ તો ચિંતા નહોતી,
કેમ કે...
*પપ્પા તો છે જ ને...*


યાદ છે નિશાળનો
પહેલો દિવસ...
જ્યારે રડયો હતો હું,
પોક મુકીને...
શાળાના દરવાજે,
ડરી ગયો હું..,
આ ચોપડીઓના
જંગલમાં,
પણ ખબર હતી કે,
હાથ પકડનાર...
*પપ્પા તો છે જ ને...*


સ્લેટ માં લખતો હતો હું
જિંદગીના પાઠ રોજ,
ને ભુંસતો સુધારતો
હું ભુલો,
જો નહીં સુધરે ભુલો,
ને નહીં ઉકલે આંટીઘૂંટી
તો એ બધું ઉકેલવા,
*પપ્પા તો છે જ ને..*


પહેલી સાઇકલ, સ્કૂટર
ને પહેલી ગાડીમાં
સ્ટીયરિંગ પકડીને
જોડે દોડ્યા હતા એ,
જો લપસી જઈશ હું
આ જિંદગીના રસ્તાઓ
પર ક્યાંક તો...,
હાથ પકડવા
*પપ્પા તો છે જ ને...*


*તું ભણ ને બાકી હું*
*ફોડી લઈશ*
આ ડાયલોગ પર
આખું ભણતર પુરું કર્યું,
ચોપડા, કપડાં ને
પોકેટ મની ટાઈમસર
આવતા ને ફી ભરવા માટે
*પપ્પા તો છે જ ને...*


કોઈ કરકસર કે કચાશ
ના કરી મને સારો માણસ
બનાવવામાં જેમણે,
હારી જઉં તો હાથ
પકડીને ઉભો કરી
ફરી તૈયાર કરવામાં
*પપ્પા તો છે જ ને...*


નોકરી પછી લગ્ન ને
પછી મારું ઘર કરવામાં
જેમણે કદી પાછું વળીને
ના જોયું,
કંઈ ખુટી પડશે તો
હું લઈ આવીશ એવી
હૈયાધારણ આપવાવાળા
*પપ્પા તો છે જ ને...*


જેમણે મને મોટો કર્યો
કોઈ પણ ક્ષોભ વિના,
ને વિતાવ્યું આખું
આયખું એમનું,
તો પણ હજી કંઈ થાય,
તો આવીને મને કહેતા..,
તું મુંજાતો નહીં..,
*તારા પપ્પા તો છે જ ને*


હાર્યો કેટલીય વાર
જિંદગીના દાવ પેચમાં,
ને રમ્યો બમણું હું,
જુગારી કેટલાય ખેલમાં,
તોય સતત મને જીતાડવા
મથતા ને..,
થાય કંઈ પણ...,
મને તો એક જ નિરાંત
કે.....,
*પપ્પા તો છે જ ને...*
- Copied from Internet - Unknown source

ઈન્ટરવ્યું - Self Discipline factor!

Sharing a story received as a forward on Whatsapp!


ઈન્ટરવ્યું..

ગમે તેમ કરીને તે ઓફિસે પહોંચ્યો.
આજ તેનો ઇન્ટરવ્યુ હતો.

મનોમન નકકી કર્યું હતું કે
જો નોકરી મળી જાય તો બીજે રહેવા જતું રહેવું છે.
મમ્મી,પપ્પાની રોજબરોજની નાની વાતો જેવી કે:-

- સૂઈને ઊઠે ત્યારે ચાદર સરખી કરી દે ,
- નાહીને બહાર નીકળે ત્યારે નળ બરોબર બંધ કરવો,
- નાહીને શરીરનો રૂમાલ તાર પર સૂકવી દેવો,
- રૂમમાંથી બહાર નીકળું તો પંખો કેમ બંધ નથી કરતો,
વિગેરે વિગેરે..ફરમાનોથી હું કંટાળી ગયો છું.

પેસેજની લાઈટ સવારે દસ વાગે પણ ચાલુ હતી
કોઈ રિસેપશનિસ્ટ પણ ન હતી. તેને લાઈટ બંધ કરી કારણકે મમ્મી ની ટકોર યાદ આવી.

ઓફિસના દરવાજા પર કોઈ હતું નહીં.
બાજુમાં પાણી પાઈપમાંથી બહાર નીકળતું હતું
તેને સરખું કર્યું. કારણકે પપ્પાની ટકોર યાદ આવી.

બોર્ડ માર્યું હતું કે બીજા માળે ઇન્ટરવ્યુ છે.
સીડીની લાઈટ પણ બંધ કરી.
એક ખુરશી આડી પડી હતી તે સરખી કરી.

પહેલા માળે બીજા કેંડીડેટ પણ હતા
જે ફટાફટ અંદર જઈને તરત જ બહાર આવતા હતા.
મેં પૂછતા તેઓએ કહ્યું કે કોઈ કંઈ પૂછતા જ નથી.

મારો વારો આવ્યો એટલે અંદર જઈ મારી ફાઇલ બતાવી. ફાઇલ જોયા પછી તરત જ મેનેજરે પૂછ્યું :
ક્યારથી જોઈન્ટ કરશો.
મને નવાઈ લાગી કે કશું પૂછયા વગર કઈ
એપ્રિલફૂલ તો નથી કરતા ને.

બોસ સમજી ગયા કહ્યું :
હા ભાઈ એપ્રિલ ફૂલ નથી હકીકત છે.

આજના ઇન્ટરવ્યૂમાં કોઈને કંઈ પૂછ્યું નથી

બસ CCTV મા તમારો Attitude જોયો છે.

બધા કેંડીડેટ આવે છે પણ કોઈને નળ બંધ કરવાનું કે લાઈટ બંધ કરવાનું સૂઝતું નથી
એક તમે તેમાં પાસ થયા છો.
ધન્ય છે તમારા માબાપ ને કે જેને તમને આવા સંસ્કારો કે શિસ્તના પાઠ ભણાવ્યા છે.

જે વ્યક્તિ પાસે Self Discipline હોતી નથી તે ગમે તેટલો હોશિયાર હોય મેનેજમેન્ટમાં અને જિંદગીની દોડમાં નિષ્ફળ જાય છે.

મનોમન મેં નક્કી કર્યું કે ઘેર જઈને મમ્મી, પપ્પાની માફી માંગી લઈશ અને કહીશ કે તમારી નાનીનાની ટકોર આજે મને જિંદગીના પાઠ ભણાવી ગઈ જેની આગળ મારી ડિગ્રીની પણ કોઈ કિંમત નથી.

જીવનમાં શિસ્ત અને હકારાત્મક અભિગમ કેળવીએ.

એક લઘુકથા - વિરોધાભાસ

એક લઘુકથા - વિરોધાભાસ (શ્લેષ અલંકાર)

-
કટ ઑફ ( માર્ક્સ ) પર એડમિશન લઇ,
માંડ માંડ પાસ થઇ ડોક્ટર બની ગયો !

ને આજે એડમિટ એક 'કિડ' ની 'કિડની' ફેઈલ થતાં,
લાઈફ કટ ઑફ થઇ ગઈ !

- જય વોરા

*અતિશ્રદ્ધા* છે અવળચંડી!

*આ રચના કોની છે*એ જાણી શકાયું નથી. પરંતુ *જેમણે પણ લખ્યું છે તેમણે ખુબ જ સચોટ લખ્યું છે...

*👈
*અતિશ્રદ્ધા* છે *અવળચંડી,*
*વેવલાપણાંનાં વાવેતર* કરે.
 
🔹યુરોપે અટપટાં *યંત્રો* શોધી ફીટ
કર્યાં *ફૅક્ટરીમાં;*
🔸આપણે *સિદ્ધિયંત્રો* બનાવી,
ફીટ કર્યાં *ફોટામાં.*
 
🔹પશ્ચિમે *ઉપગ્રહ* બનાવી,
ગોઠવી દીધા *અંતરિક્ષમાં;*
🔸આપણે *ગ્રહોના નંગ* બનાવી,
મઢી દીધા *અંગુઠીમાં.*
 
🔹જાપાન *વિજાણુ યંત્રો* થકી,
સમૃદ્ધ બન્યું જગમાં;
🔸આપણે *વૈભવલક્ષ્મીનાં વ્રતો* કરી,
ગરીબી રાખી ઘરમાં.
 
🔹અમેરીકા *વૈજ્ઞાનિક અભિગમથી*
બળવાન બન્યો વિશ્વમાં;
🔸આપણે *ધાર્મિક કર્મકાંડો થકી,*
કંગાળ બન્યા દેશમાં.
 
🔹પશ્ચિમે *પરિશ્રમ થકી, સ્વર્ગ ઉતાર્યું*
આ લોકમાં;
🔸આપણે *પુજાપાઠ–ભક્તિ કરી,*
સ્વર્ગ રાખ્યું પરલોકમાં.
 
🔹ઍડવર્ડ જેનરે રસી શોધી, *શીતળા*
નાબુદ કર્યા જગમાં;
🔸આપણે *શીતળાનાં મંદિર બાંધી,*
મુર્ખ ઠર્યા આખા જગમાં.
 
🔹 *પર્યાવરણ–પ્રદુષણથી* જયારે
જગત આખું છે *ચિંતામાં;*
🔸આપણે *વૃક્ષો જંગલો કાપી,*
લાકડાં ખડક્યાં *ચીતામાં..*
 
🔹 *વાસ્તુશાસ્ત્રનો દંભ ને વળગાડ,*
લોકોને પીડે આ દેશમાં;
🔸 *ફાલતુશાસ્ત્ર* છે એ,છેતરાશો નહીં,
*ઠગનારા ઘણા* છે આ દેશમાં.
 
🔹સાયંટિફિકલિ *બ્લડ* ચૅક કરી,
ઍંગેજમેન્ટ કરે પશ્ચિમમાં,
🔸સંતાનોને ફસાવી *જન્મકુંડળીમાં,*
*લગ્નકુંડાળાં* થાય આ દેશમાં.
 
🔹 *લસણ–ડુંગળી–બટાકા* ખાવાથી
*પાપ* લાગે આ દેશમાં,
🔸 *આખી ને આખી બેન્ક* ખાવા છતાં
*પાપ ન* લાગે આ દેશમાં.

*( અજ્ઞાત )*
Courtesy : Facebook.

પુરુષ એટલે શું? By Kajal Oza Vaidya

પુરુષો વિશે પુરુષો દ્વારા ઘણું લખાયુ છે. પણ જ્યારે એક સ્ત્રી પુરુષ વિશે લખે ત્યારે તે વાસ્તવિકતાની વધુ નજીક હોય છે.

પુરુષ એટલે શું ?
-પુરુષ એટલે પત્થરમાં પાંગરેલી કૂંપળ.
-પુરુષ એટલે વજ્ર જેવી છાતી પાછળ ધબકતું કોમળ હૈયુ.
-પુરુષ એટલે ટહુકાને ઝંખતુ વૃક્ષ.
-પુરુષ એટલે તલવારની મૂઠ પર કોતરેલું ફુલ.
-પુરુષ એટલે રફટફ બાઇકમાં ઝૂલતું હાર્ટશેપનું કીચેઇન.
-પુરુષ એટલે બંદુકનાં નાળચામાંથી છૂટતુ મોરપિંછું.

પુરુષ એ નથી જે ફિલ્મો કે ટી.વી.માં જોવા મળે છે; પુરુષ એ છે જે રોજબરોજની ઘટમાળમાંથી આંખ સામે ઉપસી આવે છે.

પુરુષ એમ કહે કે 'આજે મૂડ નથી, મગજ ઠેકાણે નથી' પણ એમ ના કહે કે 'આજે મન ઉદાસ છે.'
સ્ત્રી સાથે ઘણી વાતો શેર કરી શકતો પુરુષ પોતાના દર્દ શેર નથી કરી શકતો.

સ્ત્રી પુરુષનાં ખભા પર માથું ઢાળી રડે છે. જ્યારે પુરુષ સ્ત્રીનાં ખોળામાં માથુ છૂપાવી રડે છે.

જેમ દુનિયાભર ની સ્ત્રીઓને પોતાના પુરુષનાં શર્ટમાં બટન ટાંકવામાં રોમાંચ થાય છે એ જ વખતે એ સ્ત્રીને ગળે લગાડી લેવાનો રોમાંચ પુરુષોને પણ થતો હોય છે.

હજારો કામકાજથી ઘેરાયેલી સ્ત્રી જ્યારે પુરુષને વાળમાં હાથ ફેરવી જગાડે છે ત્યારે પુરુષનો દિવસ સુધરી જાય છે.

જીતવા માટે જ જન્મેલો પુરુષ પ્રેમ પાસે હારી જાય છે અને જ્યારે એ જ પ્રેમ એને છોડી જાય ત્યારે તે મૂળ સોતો ઉખડી જાય છે.

સ્ત્રી સાથે સમજણથી છૂટો પડતો પુરુષ તેનો મિત્ર બનીને રહી શકે પણ...બેવફાઇથી ત્યજાયેલો પુરુષ કચકચાવીને દુશ્મની નિભાવે છે.

ધંધામા કરોડોની નુકશાની ખમી જાતો પુરુષ ભાગીદારનો દગો ખમી નથી શકતો.

સમર્પણ એ સ્ત્રીનો અને સ્વીકાર એ પુરુષનો સ્વભાવ છે પણ પુરુષ જેને સમર્પિત થાય એનો સાત જન્મ સુધી સાથ છોડતો નથી.

પુરુષ માટે પ્રેમનાં સુંવાળા માર્ગ પર લપસી જવું એ એક થ્રીલ છે અને સહજ પણ છે; પરંતુ એની જ સ્ત્રી માટે તે બ્લેકઝોન છે જ્યાંથી પાછી ફરેલી સ્ત્રીને એ ચાહી શકતો નથી.
પરણવું અને પ્રેમ કરવો એ સ્ત્રી માટે એક વાત હોઇ શકે, પુરુષ માટે નહી.

એક જ પથારીમાં અડોઅડ સૂતા બે શરિરો વચ્ચેની અદ્ર્શ્ય દિવાલ નીચે પુરુષ ગુંગળાતો રહે છે પણ ફરિયાદ કરતો નથી.

પુરુષને સમાધાન ગમે છે, પણ જો એ સામે પક્ષેથી થતુ હોય તો.

ગમેતેવો જૂઠો, લબાડ ,ચોર, લંપટ, દગાખોર પુરુષ પણ પોતાના પરિવાર સાથે સરળ સદગૃહસ્થ જ હોય છે.
સ્ત્રીનું રુદન ફેસબૂકની દિવાલને ભિંજવતું હોય છે પણ પુરુષનું રુદન એનાં ઓશિકાની કોરને પણ પલાળતુ નથી..!!

કહેવાય છે કે 'સ્ત્રીને ચાહતા રહો સમજવાની જરુર નથી'; હું કહુ છુ પુરુષને બસ.. સમજી લો.. આપોઆપ ચાહવા લાગશો.

Source : Haresh Pandya

પત્રવ્યવહાર - એક ઇતિહાસ : પત્રલેખન - ઐતિહાસિક કળા!

બ્લૉગ નુ ટાઇટલ બઊ ગંભીર લાગે છે ને?  જરાય નથી ... સાચે ! પરીક્ષા માઁ નિબઁધ પૂછાય અને સમય બચ્યો હોય તો કેવુઁ સરસ મજાનુઁ લખીએ, એવુઁ જ મને આજે વાઁચેલા એક પત્ર પરથી થયુઁ છે અને આ છે એનુઁ પરિણામ! લો આવી ગયુઁ એક ઓર નજરાણુઁ.

શુક્રવાર ની બપોર હતી, "ટ્રિન ટ્રિન...વો..રા ભ'ઇ " અવાજ આવ્યો અને હુઁ જમતાઁ જમતાઁ ઉભો થઈ ને આવેલા કુરિયર, કવર્સ વગેરે ...ટુઁક માઁ ટપાલ લઈ આવ્યો.

બોલો લ્યો, ટપાલી અમારે ત્યાઁ નિયમિત આવે છે, ( તહેવારો માઁ :) તો રોજ આવવાનું થાય એમને! બક્શીશ જિંદાબાદ !)

આવનાર 4-5 કવર્સમાઁ એક પત્ર હતો, અમારા મીનાક્ષી માસી નો! તહેવારો આવે એટલે પત્રો આવે અને ઇંફોર્મેશન ટેક્નોલોજી (IT) થી તરબતર થયેલા આપણાઁ દિલ-દિમાગ ને કૈંક નવો ખોરાક મળે !આ તો ભાઈ રક્ષાબંધન ની સીઝન ને ! મારી બંને મોટી બહેનો ના આશીર્વાદ થી ભરપૂર શબ્દો હતા અને એ તો રહેવાના જ! ( સાલુ સાચ્ચુ કઉ , આશીર્વાદ ની બઊ જરૂર છે હોઁ આજકાલ ! તમે પણ આપી જ દો યાર હવે, કંજુસાઇ શુઁ આમાઁ ! ... થેંક્યુ !)

અને પત્ર ની પાછળ ની બાજુ અમારા ખાઁટુ માસી નો શુભેચ્છા સંદેશ અને યાદી! અને એમણે જે લખ્યુઁ છે એ ખરેખર આપણને વિચારતા કરી મૂકે લા!  એમના દરેક શબ્દ માઁ મજા પડી જાય! કળા જ તો!

" બીઝી જય ને બીજી માસી ના આશીર્વાદ! " -  નાલાયક તુઁ યાદ કેમ નથી કરતો માસી ને, એમ!
એમાઁય પાછો પ્રાસ અને તર્ક!

"પત્રવ્યવહાર ની પધ્ધતિ સારી હતી, હવે તો લખવાની પ્રેક્ટિસ પણ જતી રહી છે! અક્ષરો સુધારવા પડશે" - અક્ષરો તો સુવાચ્ય જ હતા પણ એથી વધારે ક્લિયર તો એનો મર્મ છે! નસીબજોગે આજકાલ મારા હાથે તો ગુજરાતી પત્રો/ અરજીઓ લખાઇ છે! પણ તોયે શુઁ ... આદત તો સ્વાભાવિક રીતે આ પત્રવ્યવહાર ની જેમ નામ-શેષ જ થઈ ગઈ છે !

એક જમાનો હતો, રોજ ટપાલી કાકા આવતા !  પત્રો માઁ પાછુઁ હોય મોટાભાગે કૉમન!
અલગ અલગ શબ્દો માઁ અલગ લાગણીઓ ! પંચાત, ફરિયાદો, ખોદણી, રોદણાઁ રોવાના , સમાચાર, ઋણ સ્વિકાર વગેરે! (મને યાદ આવ્યુઁ કે મારા દાદાશ્રી નાઁ અવસાન ને લગતા ઋણ સ્વીકાર નાઁ પત્રો મેઁ લખેલા!)

- સૌ કુશળ-મઁગળ હશે અમે સૌ મજા માઁ છીએ!
- આપણો લાલો મોટો થઈ ગયો હશે ને!
(લાલો એટલે કૉમન નામ એમ, બાબા નુઁ તમને નામ ખબર ના હોય તો પણ ચાલે )
- છોરાઁ ઓ એય ને તે ઘર મા ધમાચકડી મચાવતા હશે.
- મીના ને ફાવી ગ્યુઁ સાસરે ?
- નવું ઘર કેવુઁ છે બાકી? આડોશ-પાડોશ માઁ કોઇ પેલા કાંતાબેન જેવું નથી ને? ( પંચાત )
- ચઁપામાસી હવે થાક્યા છે હોઁ ! ( એટલે તૈયારી એમ 'રામ નામ' ની) રજાઑ લૈ રાખ્જે :) !
- ચિ.,  અ.સૌ.,  મુ. , ગઁ.સ્વ, ધ. ધૂ. પ. પૂ. એવાઁ તો સંબોધનો હોય!



પત્રલેખન એક ઉત્તમ કળા છે જે આજે ઈ-મેઈલના જમાનામાં વિસરાતી જાય છે. ગમે તે હોય, પરંતુ પત્ર લખીને વ્યક્ત થતો આનંદ કંઈક ઓર જ છે !


બહુ લખવુઁ છે, પણ ગુજરાતી ટાઇપ કરવામાઁ બઊ ટાઇમ જાય છે! વધુ આવતા અઁકે ! :)

આભાર!  

બની જા મારો ખુદા, હુઁ નમાજ થઈ જઈશ!

જીવન તો અનેક રઁગો થી ઠસોઠસ છે જ, બહુ દૂર ક્યાં જવાની જરૂર છે ... દિવસ પણ એ નો જ અઁશ ને; ભારે મલ્ટિકલર !

- 1:56 AM થઈ છે! :(
- આખા દી' ની દોડધામ બાદ સરસ જીરા-રાઈસ ની લિજ્જત માણી! - આનઁદો :)
- વાગ્દત્તા નારાજ છે! :(
- વધુ જ્ઞાન લેવાના અભરખા રાખીને બેઠો અને ટી.વી. ચાલુ કરવા ગયો અને એ ય બંધ! :(
- ઈંટરનેટ ને વાઁકુ પડવા માટે જ તો જાણે રાખ્યું હોય નહિ! :(
- નજર દોડાવી ડામચિયા પર, સાહિત્ય ની નવી જાણકારી લેવા... આનઁદો ! 3 પુર્તિ મળી ! :)

થોડો ઠરીઠામ થયો! લાવ ને કૈંક લખીએ એમ વિચાર આવ્યો !


અરે રે ...

નારાજ થઈ ને રાજ ના કર,
હુઁ તો તારાજ થઈ જઈશ! 

તારાય વાંક ને સ્વિકારી લઉ,
તો હુઁ મહારાજ થઈ જઈશ!

મને કાઁટાળૉ ગણ કે રમણીય,
હુઁ જ એ સરતાજ થઈ જઈશ!

તારા પર લખીશ એટલુઁ મણમણ,
કે તુઁ બોરિ ને હુઁ અનાજ થઈ જઈશ!

એક સૂર તુઁ આપ 'ધ્વનિ',
હુઁ પડછઁદ એક અવાજ થઈ જઈશ!


બનાવ તુઁ બિંદાસ રિવાજો,
નિભાવિને હુઁ સમાજ થઈ જઈશ!

બની જા મારો ખુદા,
હુઁ નમાજ થઈ જઈશ!

ક્યારેક બોલાવ મને મોદી બની ને,
આમઁત્રિત હુઁ શરિફ નવાજ થઈ જઈશ!

તુઁ ચિત્ર ની રજૂઆત તો કર,
હુઁ કેનવાસ ને કોલાજ થઈ જઈશ!

વ્યસન થઈ જશે તને મારુઁ,
એવા તુલસી ને મિરાજ થઈ જઈશ!

નિરાશ ના કર મૌન રહી ને,
તો તો હુઁ દુર દર્રાજ થઈ જઈશ!

તારા વિના કોણ ખરીદ-દાર મારુઁ,
ભલે ને જાહેર હર્રાજ થઈ જઈશ!


ધૈર્ય ની મારા કસોટી ક્યાઁ લે છે તુઁ,
પાર ઉતરવા અગ્નિ પર બિરાજ થઈ જઈશ!

આ રચના ની કદર ન થાય 'જય',
સમજ કે તુઁ નજર અંદાજ થઈ જઈશ!


મીઠી ધમકી-

બહુ થયુઁ ના બન ઇઝરાયેલ તુઁ,
એ જ જવાબ માઁ હુઁ હમાસ થઈ જઈશ!    :)

- જય વોરા
  

સાચવીએ 'અર્થ' ને, નહિતર અનર્થ થઈ જશે!

કાલે જોયું ને તોફાન, ડેમો જ નાશ ને સમર્થ થઈ જશે!
જતન કરીએ કુદરત નું, મહેનત વર્થ થઈ જશે.

સાચવીએ 'અર્થ' ને, નહિતર અનર્થ થઈ જશે,
સોનાં જેવી આ જિંદગી, વ્યર્થ થઈ જશે!
 
- જય

ફરિયાદ અને હિતેચ્છા!

ધરતી પર આટલી ભીડ હોવાનો મને આજ અચરજ થાય,
બાકી તો લોક ને હવા માં જોઇને ડોક દુ:ખી જ જાય છે!

ચાલ દોસ્ત, લંબાવ તારો હાથ હું સાથ આપું,
ટેકવું ઉતારવા નીસરણી, કાં તો કુદાડવા ઝોળી બનાવું!

ઠોકરો ખાઇને પણ ન સમજે તો તારૂં નસીબ,
ફરજ નીભાવશે જ પથ્થર તું જાય તો કરીબ!

ફરિયાદ ન કરવાનું મને ફરી ફરી ને યાદ આવે છે,
પણ અજંપા પર કોની 'જય' થાય છે!

- જય

લખવું હતું 'સમય' પર, ના લખી શક્યો સમયસર!

ઘણું કહેવું છે, પણ ટૂંક્માં રાખીએ!

આમેય સમય સાથે તો કાયમ ની બબાલ છે, ક્યાં પંગો લઈએ!


'જય' તું મય,
સમય ને સમજ,
સમય નો વ્યય!

નહિં સમજે,
સમન્વય સમય,
જીવન ક્ષય!

આ જ પ્રવાહ,
અવિરત વહેતો,
સમય નો 'જય'!

(બીજી પણ એક આવી રહી છે, 'સમય' પર, પણ વિધિની વક્રતા જુઓ, એમાં મોડો પડ્યો!)

દરેક માણસનું પોતાનું એકાંત હોવું જોઈએ !

ચિંતનની પળે - કૃષ્ણકાંત ઉનડકટ

અળગા થવાની વાત, મહોબ્બત થવાની વાત, બંને છે છેવટે તો નજાકત થવાની વાત,

પાસે રહું તો ભય કે વિખૂટા પડી જશું, આઘે રહીને માંડું છું અંગત થવાની વાત.

-હરીન્દ્ર દવે

આખા દિવસમાં એવો કયો સમય હોય છે જ્યારે તમે તમારી સાથે હોવ છો? બહુ ઓછો સમય માણસ પોતાના માટે કાઢે છે. માણસ સોશિયલ છે. હંમેશાં એવું કહેવાતું આવ્યું છે કે માણસે પોતાના લોકો માટે સમય કાઢવો જોઈએ. આવી જ એક હકીકત એ છે કે દરેક માણસે પોતાના માટે પણ સમય ફાળવવો જોઈએ. તમે યાદ કરો,છેલ્લે ક્યારે તમે તમારી સાથે હતા? ક્યારે તમે તમારા અને માત્ર તમારા જ વિચારો કર્યા? ક્યારે તમે તમારી જાત સાથે સંવાદ કર્યો? ક્યારે તમે જ તમારી જાતને સવાલો કર્યા? તમારા સંવાદ વખતે તમારી જાતે તમને શું જવાબ આપ્યા?

આમ તો એવું જ લાગે કે એમાં વળી શું નવું છે? દરેક માણસ પોતાના વિશે વિચાર કરતો જ હોય છે. હા, વિચાર કરતો હોય છે પણ આ વિચારમાં કાં તો ચિંતા હોય છે, કાં તો પ્લાનિંગ હોય છે, કાં તો ગણતરીઓ હોય છે, કાં તો તમન્નાઓ પૂરી કરવાના વિચારો હોય છે અને કાં તો સફળ થવાના પ્રયત્નો હોય છે. કેટલાં લોકો એવા વિચાર કરે છે કે હું ખુશ છું? હું સુખી છું? મારી સંવેદનાઓ પૂરેપૂરી સક્રિય છે? હું દરેક ક્ષણને જીવી શકું છું? હું ખરેખર ભયમુક્ત છું? મને જીવવાનો આનંદ આવે છે? હું જે કરું છું એ વાજબી છે? મારા જીવનનો મતલબ એ જ છે જે રીતે હું જીવું છું?

ચલો, એક કામ કરો. આ બધા જ સવાલ તમારી જાતને પૂછો અને જવાબ મેળવો. આ જવાબ કાં તો 'હા'માં હશે અથવા તો 'ના'માં હશે. તમને એ વાત સમજાય છે કે હા છે તો શા માટે અને ના છે તો શું ખૂટે છે? તમને જે વ્યક્તિ ખુશી, આનંદ, ઉત્સાહ, પ્રેરણા, સુખ આપે છે એના પ્રત્યે તમે કેટલા સભાન છો? કોઈ તમારા માટે વિચારતું હોય છે, તમારી ચિંતા કરતું હોય છે, તમારા માટે સમય આપતું હોય છે અને સરવાળે તમને પ્રેમ કરતું હોય છે. તમે એના માટે શું કહો છો? ધ્યાન રાખવું, સગવડ પૂરી પાડવી, જોઈતું હોય એ લાવી આપવું, કોઈ ચીજની કમી લાગવા ન દેવી, ગિફ્ટ આપવી એ બધંુ આપણે કરતાં હોઈએ છીએ પણ આપણી વ્યક્તિને સલામતી લાગે એવુ કંઈ કરીએ છીએ? સલામતી એટલે ઇમોશનલ સિક્યોરિટી. એક વ્યક્તિ છે જે મને સતત પ્રેમ કરે છે એવું તમારા વિશે કોઈ માને છે ખરું? આપણે વ્યવહારોમાં સતર્ક હોઈએ છીએ પણ વર્તનમાં સહજ હોઈએ છીએ ખરાં?

સફળતા વખતે આપણે અભિનંદન આપી દઈએ છીએ પણ નિષ્ફળતા વખતે આપણે એને સમજી શકીએ છીએ? કોઈને સમજવા માટે પહેલાં તો આપણે આપણને સમજવા જોઈએ અને આ સમજ કેળવાય એટલા માટે જ પોતાની જાત સાથે રહેવાની જરૂર ઊભી થતી હોય છે. માણસ આખી દુનિયાને ઓળખતો હોવાનો દાવો કરતો રહે છે પણ પોતાને જ પૂરેપૂરો ઓળખતો હોતો નથી. બધાં કહેતાં ફરે છે કે મને ખબર છે, હું સમજું છું, હું એજ્યુકેટેડ છું, હું કંઈ બોઘો નથી, ભગવાને મને પણ બુદ્ધિ આપી છે. કોઈ પોતાની જાતને નબળી સમજતું નથી. સમજવી પણ ન જોઈએ. જો કે પોતાની જાતનું મૂલ્યાંકન તો કરતા જ રહેવું જોઈએ. બહુ ઓછા લોકો પોતાની જાતનું સાચું મૂલ્યાંકન કરી શકતા હોય છે. પોતાની સજ્જતા માપવી એ ત્રાજવામાં કોઈ વસ્તુ તોળવા જેવી સરળ વાત નથી કે જે ભારે હશે એ પલ્લું નમી જશે. તેનું કારણ એ હોય છે કે એ સમયે બંને બાજુ આપણે જ હોઈએ છીએ. તમારે જ તમારી પરીક્ષા કરવાની હોય છે અને તમારે જ માર્ક્સ આપવાના હોય છે, તમારે જ કેસ ચલાવવાનો હોય છે અને તમારે જજ બનવાનું હોય છે. પોતાના માટે તટસ્થ રહેતા બહુ ઓછા લોકોને એ આવડતું હોય છે. તમારું એકાંત જ તમને તમારા વિશે ઘણી બધી વાતો કરતું રહે છે. લોકો વિચારતા હોય છે બીજું અને કરતાં હોય છે બીજું, સિદ્ધાંત એક હોય છે અને શરત બીજી, આદર્શ એક હોય છે અને અમલ બીજો. સારા ખોટાની સમજ પણ હોય છે, પરંતુ આ બેમાંથી આપણે શું પસંદ કરીએ છીએ તેના ઉપરથી એ નક્કી થતું હોય છે કે આપણે ખરેખર કેવા છીએ? આપણે જેવા હોવા જોઈએ એવા છીએ ખરાં?

એકાંત અને એકલતા જુદી વસ્તુ છે. એકલા હોય એ પણ પોતાની સાથે હોય એવું જરૂરી નથી. બધાની સાથે હોય એ પણ પોતાનું એકાંત માણી શકતા હોય છે. એકાંત માટે જંગલમાં જવાની જરૂર નથી. એકાંત માટે કોઈ ચોક્કસ જગ્યા હોતી નથી. માણસનું મન એની સાથે હોવું જોઈએ. આપણું મન ભટકતું રહે છે. માણસ પોતાનામાં જ ખોવાઈ નથી શકતો. ઘણાં લોકો તો એવા ભટકી ગયા હોય છે કે પોતાને જ મળતાં નથી. આવા લોકો પાસે સમયથી માંડીને મૂડ સુધીનાં બહાનાં હોય છે. વિચારવાનો સમય જ ક્યાં મળે છે? મૂડ જ નથી હોતો. કોઈ એકલાં પડવા જ નથી દેતું. આખો દિવસ કોઈ ને કોઈથી ઘેરાયેલો રહું છું. થોડો સમય ક્યાંક ચાલ્યા જવું છે. આવી કેટલીય વાતો આપણે કરતાં અને સાંભળતા હોઈએ છીએ. સાચી વાત એ હોય છે કે આપણને આપણી સાથે રહેતાં જ આવડતું હોતું નથી કે ફાવતું હોતું નથી.

તમારી સાથે હોવ ત્યારે પણ તમે તમારી જાત સાથે કેવી વાતો કરો છો એ વધુ મહત્ત્વનું છે. હતાશામાં સરી પડતાં લોકો પણ વિચારો જ કરતાં હોય છે પણ એ વિચારો એને ખાઈ તરફ ઢસડી જતાં હોય છે. બૌદ્ધિકતા સંવાદથી જ આવે છે. બૌદ્ધિક લોકો સાથેનો સંવાદ અને આપણી જાત સાથેનો સંવાદ જ આપણી વિચારવાની દિશાઓ ખોલે છે. કેટલું વિચારવું, કેવું વિચારવું, શું વિચારવું એ આપણા કન્ટ્રોલમાં હોવું જોઈએ. કોઈની વાત સાંભળવા કાન માંડવો પડે છે પણ આપણી જ વાતનો અહેસાસ કરવા દિલ માંડવું પડે છે. બોલવાનું પણ આપણે, સાંભળવાનું પણ આપણે, વિચારવાનું પણ આપણે અને અનુસરવાનું પણ આપણે. જે માણસ પોતે પોતાનો ગુરુ થઈ શકે છે એને પછી કોઈની જરૂર પડતી નથી. પોતાના ગુરુ બનવા માટે શિષ્ય બનવાની ક્ષમતા હોવી જોઈએ. આપણને શિષ્ય બનવું ફાવતું નથી. આપણે તો આપણને ગુરુ જ સમજીએ છીએ અને આપણી જાત શિષ્ય જ બની રહે તેવું ઇચ્છતા રહીએ છીએ.

એક સંતે કહેલી આ વાત છે. એ સંતના કરોડો અનુયાયીઓ છે. એક વખત એ સંત તેના એક અનુયાયી સાથે કારમાં જતાં હતા. એરકન્ડિશન્ડ કારની બારીઓ બંધ હતી. કારની સ્પીડ સો કરતાં વધુ હતી. અનુયાયીને સતત એવું થતું કે આ સંતને એકાંત ક્યારે મળતું હશે? આખો દિવસ તો અનુયાયીઓથી ઘેરાયેલા હોય છે. અનુયાયીથી ન રહેવાયું. તેણે સંતને પૂછયું કે આ બધામાં તમે તમારા માટે કેવી રીતે સમય કાઢો છો? તમારી સાથે ક્યારે હોવ છો? સંત હસવા લાગ્યા. સંતે કહ્યું કે, ઉદાહરણ તો આપણી સામે જ છે. કારમાં એક માખી ઘૂસી ગઈ હતી. માખી કારમાં ઉડાઉડ કરતી હતી અને પોતાને જ્યાં જવું હોય ત્યાં જતી હતી. સંતે કહ્યું કે આ માખીને જુઓ છો? કાર સ્પીડમાં છે છતાં એ પોતાનું બેલેન્સ જાળવે છે. સ્પીડના કારણે તે ભટકાઈ જતી નથી, પછડાઈ જતી નથી. બસ, આવું જ હું શીખું છું અને કરું છું. જિંદગીની ગતિ તો કારની જેમ તેજ જ રહેવાની છે, ભીડ પણ રહેવાની છે. તમે તમારું બેલેન્સ જાળવી શકો તો તમે તમારી જાત સાથે રહી શકો. પોતાની સાથે રહેવા માટે તો આંખો બંધ કરવાની પણ જરૂર નથી. ખુલ્લી આંખોએ ટોળાની વચ્ચે તમે તમારી જાત સાથે રહી શકો. સવાલ એકાગ્રતાનો હોય છે.

આપણે બહાર એટલા બધા વહેતા અને ભટકતા રહીએ છીએ કે અંદરનો રસ્તો જ આપણે દેખાતો નથી. બધું જ તમારા માટે છે. આ સૃષ્ટિ, દરેક રંગો, દરેક જીવ, દરેક વાતાવરણ , દરેક સ્વજન અને દરેક સંબંધ તમારા માટે જ છે પણ તમે કેટલા તમારા માટે છો?દુનિયાને માણવી હોય તો પહેલાં પોતાને માણો, પોતાને માણવા માટે પોતાને જાણો. તમે તમને પૂરેપૂરા ઓળખો છો ખરાં? જરાક ચેક તો કરી જુઓ.

છેલ્લો સીન :

જે ગમે તે મળે એનું નામ સફળતા અને જે મળે એ ગમે એનું નામ સુખ

-અજ્ઞાત

(‘સંદેશ’, તા. 25 ઓગસ્ટ, 2013. રવિવાર. સંસ્કાર પૂર્તિ, ‘ચિંતનની પળે’ કોલમ)

જીવન એક યુદ્ધ છે, જો લડાય તો...'જય' નિશ્ચિત છે, જો પડકારાય તો!

જીવન એક યુદ્ધ છે, જો લડાય તો;
'જય' નિશ્ચિત છે, જો પડકારાય તો!

જગ ખરેખર સુંદર છે, જો જોવાય તો;
થાવું મારે પણ બુદ્ધ છે, જો થવાય તો!

સપનાં આવશે જ, જો નીંદર થાય તો;
જરા ફરિયાદ તો કરી લઊં, જો સંભળાય તો!

અશ્રુ તો વહેશે મન, જો દુ:ભાય તો;
કાબૂ માં રાખજો જીભડી, જો રખાય તો!

વિચારો તો વ્રુદ્ધ બની જશે, જો માત્ર સચવાય તો;
અમલ માં મૂકવા જ માંડ, જો રચાય તો!

આકાર તો જ મળે માટી ને, જો ઘડાય તો;
જાળ ત્યારે જ બનશે કરોળિયાનું, જો એ પછડાય તો!

આગળ વધવાનું લખેલુ જ છે, જો પગ મંડાય તો;
હાર ગણાશે નહિં, જો ફરી ઉભા થવાય તો!

પ્રશ્ન છે તો ઉત્તરો પણ છે, જો જણાય તો;
સાવ સીધો જ તર્ક હોય છે, જો સમજાય તો!

સમજો તો અઘરૂં નથી, જો કળાય તો!
હજી પણ લખતો રહીશ, જો લખાય તો!

- જય વોરા