Saturday, April 30, 2011

વાંસલડી ડૉટ કૉમ - કૃષ્ણ દવે



krishna_PG11_l


વાંસલડી ડૉટ કૉમ(.com),
મોરપિચ્છ ડૉટ કૉમ,
ડૉટ કૉમ વૃંદાવન આખું,
કાનજીની વેબસાઈટ એટલી વિશાળ છે કે કયાં કયાં નામ એમાં રાખું ?


ધારો કે મીરાંબાઈ ડૉટ કૉમ રાખીએ તો રાધા રિસાય એનું શું ?
વિરહી ગોપીનું ગીત એન્ટર(Enter) કરીએ ને ક્યાંક ફ્લૉપી(Floppy) ભીંજાય એનું શું ?
પ્રેમની આ ડિસ્કમાં(Disk) તો એવી એવી વાનગી કે કોને છોડું ને કોને ચાખું ?
કાનજીની વેબસાઈટ…


ગીતાજી ડૉટ કૉમ એટલું ઉકેલવામાં ઊકલી ગઈ પંડિતની જાત.
જાત બળી જાય છતાં ખ્યાલ ના રહે ને એ જ માણે આ પૂનમની રાત.
તુલસી, કબીર, સુર, નરસૈંયો થઈએ તો ઊકલે છે કંઈક ઝાંખું ઝાંખું.
કાનજીની વેબસાઈટ…


એ જ ફક્ત્ પાસવર્ડ(Password) મોકલી શકે છે જેના સ્ક્રીન(Screen) ઉપર નાચે છે શ્યામ.
એને શું વાઇરસ(Virus) ભૂંસી શકવાના જેનાં ચીર પૂરી આપે ઘનશ્યામ ?
ઇન્ટરનેટ(Internet) ઉપર એ થનગનતો આવે, હું કોઈ દિવસ વિન્ડો(Window) ના વાખું.
કાનજીની વેબસાઈટ…

No comments: